SHAINYANS

ՓԱՍՏԱԲԱՆԱԿԱՆ ԳՐԱՍԵՆՅԱԿԸ ՀԱՄԱԳՈՐԾԱԿՑՈՒՄ Է ՀԵՏԵՎՅԱԼ ԱՆՁԱՆՑ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՀԵՏ

         SHAHINYANS փաստաբանական գրասենյակը նեղ մասնագիտական հատուկ գիտելիքներ պահանջող հարցերի պարզաբանման շրջանակներում, համագործակցում է տնտեսագիտական, այդ թվում՝ ֆինանսատնտեսագիտական և հաշվապահական անկախ փորձաքննություններ իրականացնելու իրավասություն ունեցող <<Սերվիս ԷՅԷՄ>> ՍՊ ընկերության հետ:

      Ընկերության տնօրեն Գարիկ Ջալալյանն իր գործունեությունը սկսել է 1998 թվականից՝ ՀՀ ֆինանսների նախարարությունում նախ զբաղվելով մակրոտնտեսական քաղաքականության, ապա հարկային քաղաքականության մշակմամբ: 1999 թվականի վերջից մինչև 2001 թվականի կեսերը աշխատել է ՀՀ բանկային համակարգում՝ առևտրային բանկում զբաղեցնելով ֆինանսական վերահսկողության և բանկային մեթոդաբանության ստորաբաժանման ղեկավարի պաշտոնը: 2001 թվականի կեսերից մինչև 2005 թվականի կեսերը աշխատել է ՀՀ պետական եկամուտների նախարարության, այնուհետև՝ հարկային պետական ծառայության, մեթոդական բլոկում՝ զբաղվելով հարկային վարչարարության բարեփոխումներով: Անմիջականորեն մշակել է հարկային ոլորտի օրենսդրական և ենթաօրենսդրական ակտերի նախագծերը, մասնակցել դրանց արտագերատեսչական քննարկումներին, ինչպես նաև ակտիվ մասնակցություն է ունեցել տնտեսական բնառավառի իրավական ակտերի նախագծերի մշակմանը: Հարկային ծառայության երկրորդ դասի խորհրդական է: 2005-2007 թվականներին աշխատել է բուհական համակարգում որպես ռեկտորի ֆինանսական և իրավական հարցերով խորհրդական՝ միաժամանակ դասավանդելով հասարարական գիտությունների ամբիոնում: 2006 թվականին շնորհվել է տնտեսագիտության թեկնածուի գիտական աստիճան: Հեղինակ է թվով 3 գիտական հոդվածների: 2007-2013 թվականներին իր ուժերն է փորձել մասնավոր հատվածում՝ զբաղեցնելով մասնավոր ընկերության ղեկավար պաշտոններ, իսկ 2011-2013 թվականներին՝ միաժամանակ երկու մասնավոր ընկերության, որոնք, ի դեպ, 1000 հարկ վճարողների ցանկում ընդգրկված կազմակերպություններ են, տնօրեն: 2013-2018 թվականներին աշխատել է որպես ՀՀ ԳԱԱ <<Փորձաքննությունների ազգային բյուրո>> ՊՈԱԿ-ի տնտեսագիտական փորձաքննությունների բաժնի փորձագետ, իսկ 2018 թվականից մինև այժմ՝ <<Սերվիս ԷյԷմ>> ՍՊ ընկերության հիմնադիր-տնօրենն է ու դատական փորձագետը: ԸՆկերությունն, ի դեմս, Գարիկ Ջալալյանի,  փորձագիտական ծառայություններ է մատուցում ինչպես իրավասու մարմինների որոշումների հիման վրա, այնպես էլ պայմանագրային հիմունքներով կամ դատավարության կողմերի, վերջիններիս ներկայացուցիչների նախաձեռնությամբ, հետևյալ ուղղություններով.

- ՀՀ Քրեական օրենսգրքի տնտեսական հանցագործությունների բոլոր դեպքերով, մասնավորապես, հարկերից չարամտորեն խուսափելու, կեղծ կամ կանխամտածված սնանկության դեպքերով,

- ՀՀ քաղաքացիական օրենսգրքով նախատեսված բիզնեսին պատճառված վնասի՝ իրական վնաս և բաց թողնված օգուտ, հաշվարկում,

- հարկային մարմնի՝ որպես վարչական մարմնի, կայացված ակտերով, այդ թվում՝ ստուգման ակտերով, հաշվարկված ու առաջադրված պարտավորությունների հիմնավորվածության մասով,

- բաժնետոմսերի շուկայական արժեքի որոշման մասով

- ապօրինի ծագում ունեցող գույքի վերաբերյալ գործերով:

Հեռախոս՝+37495999783

Էլ. փոստ՝ garik_jalalyan@mail.ru